Spread the love

Con motivo da celebración dos seus 50 anos de nacemento, a Adega organizou un programa cheo de detalles en homenaxe aos viticultores e socios.

Agora si, xa podemos celebrar oficialmente as vodas de ouro de Viña Costeira. Cun acto por todo o alto, celebramos os 50 anos da adega rodeados dalgunhas das persoas artífices de semellante logro. O día estivo cheo de emoción, detalles de agradecemento e recoñecemento, e moitas sorpresas que fixeron da xornada algo máxico e irrepetible.

Tres esculturas no mirador de San Cibrao

Un dos momentos estrela dos actos programados foi a inauguración de tres estatuas de tres metros de alto e un de ancho, coma homenaxe á ilusión e ao esforzo dos viticultores, elaboradas polo recoñecido escultor ourensano Acisclo Manzano. Na súa presentación acompañáronnos, entre outras autoridades, o presidente da Xunta de Galicia, Alberto Núñez Feijóo, alcaldes da comarca do Ribeiro e representación da Xunta Rectora da adega, ademais do propio escultor das obras.

O conxunto escultórico elaborado polo artista está ubicado no propio mirador de San Cibrao, onde se celebrou o acto. O resultado é realmente incrible, animámosvos a comprobalo de cerca!

Comida cos socios

Tralo acto institucional, a Carballeira de Santa Cruz acolleu unha comida homenaxe con tódolos socios. Preto de 900 persoas gozaron dunha celebración amenizada polos monólogos de Xosé Antonio Touriñán. Nas súas intervencións, o actor e humorista repasou a historia da adega, anécdotas e detalles misturados co seu característico humor.

Durante a comida, o conselleiro delegado de Viña Costeira, Andrés Rodríguez, exerceu de mestre de cerimonias, agradecendo o esforzo diario de tódolos socios durante estes 50 anos. Todos eles leváronse un pack coma lembranza e os máis afortunados varios regalos que se sortearon, coma viaxes a rexións vinícolas de La Rioja e Francia.

Documental 50 aniversario

Na comida, os socios puideron gozar do avance dun documental que Viña Costeira está a preparar cos mellores momentos destes 50 anos e testimonios de persoas moi vinculadas á adega, incluído no pack de agradecemento. Polo momento, presentouse un resumo de 10 minutos con fragmentos destacados como adianto á estrea oficial. Desfrutádeo aquí!

Campaña “Cambiou o concepto de etiqueta”

En paralelo á celebración do acto de Aniversario, Viña Costeira lanzou unha campaña publicitaria en múltiples formatos baseada no claim “Cambiou o concepto de etiqueta”, facendo referencia á nova etiqueta do Viña Costeira Ribeiro que tamén homenaxea aos viticultores.

Rexuvenecer o target da marca e incrementar o coñecemento de Viña Costeira son os dous principais obxectivos desta acción, que estará presente durante todo o verán en máis de 100 vaias publicitarias de Galicia, prensa rexional e local, autobuses, aeroportos e Redes Sociais.

Etiqueta atractiva e visible, reflexo de valores e futuro

Con ela, transmítense a esencia, valores e futuro da adega rompendo co tradicional xogo da dobre etiqueta e cun resultado gráfico de maior atractivo e visibilidade. O desexo da Adega é que o redeseño sexa unha mostra máis de agradecemento aos 600 socios viticultores que conseguiron chegar a cumprir 50 anos como adega de viño referente.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
logo

0