Spread the love

Como sabedes, dentro da gran cantidade de sorpresas que preparamos para celebrar con todos vós o noso 50 aniversario ao longo deste ano (2018 non podía comezar mellor!), atópase o ciclo de Concertos con artistas extraordinarios. Eles levarán a mellor música da man dos nosos viños a algunha das salas de concertos con máis encanto do norte do noso país.

“Modelo de Respuesta Polar” abriu o Ciclo en Oviedo

Un dos grupos revelación do pasado ano foi o encargado de abrir o ciclo, nada menos que en “La Salvaje” de Oviedo acompañados por Autotan. Co seu recoñecido ímpetu e enerxía, conseguiron que o último sábado de xaneiro se transformase nunha gran festa entre todos os asistentes.

Seguinte parada: Nuria Graham en Vigo o 24 de febreiro

Co seu debut “Bird Eyes”, esta catalana conseguiu compartir directos con grupos da talla de Unknown Mortal Orchestra ou St. Vincent. Para celebrar a súa inclusión en “Momentos Extraordinarios Costeira”, sortearemos entre todos os interesados dúas entradas dobres para o seu concerto na Sala Radar de Vigo o 24 de febreiro (pista: atentos ás nosas Redes Sociais). Ademais, haberá unha degustación gratuíta de Viña Costeira ata fin de existencias. Mellor combinación imposible!

Los hermanos Cubero y Marem Ladson en abril

O ciclo continuará en abril, con paradas en Lugo e A Coruña. O 15 de abril, “Los hermanos Cubero” ofrecerán un directo na Sala Ho Gruf! de Lugo, con entrada libre. Agardámoste para o vermut

Procedente de Ourense, a tan nova como talentosa Marem Ladson ofrecerá o 26 de abril na Sala Garufa de A Coruña as cancións que se incluirán no seu novo disco. Que gañas de deixarnos levar coa máxica voz de Marem!

Compra de entradas e máis sorpresas

Para conseguir as túas entradas tes dúas opcións: acceder a ticketea.com ou mercalas na propia sala do concerto. Ah! e aínda nos queda algunha que outra sorpresa e máis datas por confirmar. Agardamos vervos e que gocedes ao máximo deste ciclo no que puxemos todo o noso cariño para encher de ledicia os vosos oídos e por suposto, os vosos padais

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
logo

0